GeoTAK ծրագրի ամփոփիչ համաժողով
Մեծ ուրախությամբ հայտնում ենք, որ Երկրատարածական տեխնոլոգիաների կենտրոնը շարունակում է համագործակցել կրթական հաստատությունների հետ։
Այս համագործակցությունների շրջանակում մասնակցություն ունեցանք Ճարտարապետության և շինարարության Հայաստանի ազգային համալսարանում կազմակերպված GeoTAK ծրագրի ամփոփիչ համաժողովին։
Համաժողովի ընթացքում մեր թիմակից Մարիամ Պետրոսյանը ներկայացրեց ընկերության կողմից տարբեր նախագծերում կիրառված նորարար մեթոդներն ու տեխնոլոգիաները և անդրադարձավ լազերային սկանավորման առավելություններին։
Շնորհակալություն ենք հայտնում համաժողովի կազմակերպիչներին և ևս մեկ անգամ ընդգծում ենք տարբեր կրթական հաստատությունների հետ համագործակցության պատրաստակամությունը։
