COP17 Armenia-ի Green Zone-ի շրջանակում Երկրատարածական տեխնոլոգիաների կենտրոնի (ԵՏԿ) ԱՏՀ մասնագետ Լուսինե Եղիյանը վարեց աշխատարան (workshop)՝ ներկայացնելով, թե ինչպես կարող են երկրատարածական տեխնոլոգիաները նպաստել բնության պահպանությանը եվ կենսաբազմազանության պաշտպանությանն ուղղված նախաձեռնություններին։

🌱Աշխատարանի ընթացքում ներկայացվեցին ԵՏԿ-ի իրականացրած նախագծերը, այդ թվում՝ կենտրոնի կողմից մշակված գեոպորտալները, ինչպես նաև ԱՏՀ-ի և հեռահար զոնդավորման կիրառման գործնական օրինակներ՝ շրջակա միջավայրի մշտադիտարկման, տարածական տվյալների վերլուծության և բնության պահպանության խնդիրների լուծման համատեքստում։

Միջոցառման ընթացքում տեղի ունեցավ նաև պանելային քննարկում՝ հնարավորություն ստեղծելով մտքերի փոխանակման և բնության պահպանության ոլորտում համագործակցության հնարավորությունների քննարկման համար։